ՀՀ փաստաբանական ակադեմիայի նախապատրաստական դեպարտամենտը կազմակերպում է դասընթացներ ուսանողների և իրավաբանների համար։
Նախապատրաստական դեպարտամենտը իրականացնում է հետևյալ ծրագրերը․
«ՓԱՍՏԱԲԱՆԱԿԱՆ ՎԱՐՊԵՏՈՒԹՅՈՒՆ» առարկայական ծրագիր՝ նախատեսված ուսանողների համար․
Այս ծրագրի շրջանակներում ուսանողները պատկերացում են կազմում փաստաբանության կազմակերպման և փաստաբանական գործունեության կազմակերպման ընդհանուր հիմունքների մասին, ինչպես նաև ունենում` բավարար գիտելիքներ մասնագիտական ուղղվածությունն ընտրելու համար:
Այս ծրագրի ընդհանուր տևողությունը՝ 18 դասընթաց (միջոցառում) ։
Յուրաքանչյուր դասընթացի տևողությունը՝ 80 րոպե (չհաշված ընդմիջումը)։
Գործնական յուրաքանչյուր միջոցառման տևողությունը՝ առնվազն 60 րոպե։
«ՈՒՂԻ ԴԵՊԻ ՓԱՍՏԱԲԱՆՈՒԹՅՈՒՆ» առարկայական ծրագիր՝ նախատեսված է ՀՀ փաստաբանական ակադեմիայի դիմորդների համար․
Այս ծրագրի շրջանակներում ուսանողները և իրավաբանները պատրաստվում են ՀՀ փաստաբանական ակադեմիայի ընդունելության քննություններին՝ ներառյալ հնարավորություն ունենալով հանձնել փորձնական թեստ, ինչպես նաև նախապատրաստվել ընդունելության բանավոր քննությանը դասախոսությունների կազմակերպման միջոցով։
Ծրագրի ընդհանուր տևողությունը՝ 32 միջոցառում՝ 24 դասախոսություն և 8 գործնական (թեստային առաջադրանք կատարելու հնարավորություն)։
Յուրաքանչյուր դասախոսության տևողությունը՝ 80 րոպե (չհաշված ընդմիջումը)։
Գործնական միջոցառման տևողությունը՝ առնվազն երեք ժամ։ Թեստային առաջադրանքը կարող է կատարվել ավելի սեղմ ժամկետում։
Նախապատրաստական դեպարտամենտը իրականացնում է ուսանողների և իրավաբանների համար նախատեսված նաև այլ ծրագրեր։